«Հարգելի ծնողնե՛ր, հետևեք ձեր երեխաների «օդնոկլասնիկյան շփումներին»»

Հարություն Մնացականյանը ֆեյսբուքյան իր էջում գրել է.

«Վերջին ժամանակներս տարբեր լրատվամիջոցներով շատ են հրապարակվում նյութեր՝ կապված Odnoklassniki.ru կայքի միջոցով տարբեր տեսակի խաբեությունների ու խարդախությունների,սեքսուալ բնույթի և այլ հանցագործությունների մասին: Սկզբում կարծում էի ցանկացած սոցկայքերով կատարվող հանցագործություն վերագրվում է վերոնշյալ կայքին,բայց վերջերս հասկացա, թե ինչի հենց այդ կայքով և ինչպես են գտնում հանցագործենրն(որոնք կարող են նույնիսկ ակամայից դառնալ) իրենց թիրախային զոհին: Վերջին մի քանի ամիսներին «Օդնոկլասնիկյան» ընկերներիցս տարատեսակ խաղերի հրավերներ էի ստանում, գրեթե ոչ մեկին չէի մերժում,բոլորն ընդունում էի հետո ջնջում՝ մտածելով միանգամից մերժելով չնեղացնեմ, հետո հրավերները սկսեցին ինտենսիվանալ և ամենաշատ առաջարկվող խաղերից մեկը դարձավ «Целуй и Знакомься» խաղը, դե արդեն վերնագրից պարզ է, ինչ խաղ կարող է լինել: ՈՒ օրեցօր տվյալ խաղի հրավերների ինտենսիվությունը սկսեց աճել թվաբանական պրոգրեսիայով, հրավեր էին ուղարկում թե ամուրիները,թե ամուսնացածները հետո արդեն սկսեցին հրավեր ուղարկել բարեկամներիս 12,13 տարեկան երեխաները: Չգիտեմ ինչ ազարտային սկզբունքով է այդ խաղը կազմված,բայց նույնիսկ իմ մերժումներից հետո էլ նույն մարդիկ նույն ինտենսիվությամբ սկսում են ուղարկել, և այսպես ամեն օր: Կարճ ասած այդ խաղը վերածվել է շատերի մոտ մոլուցքի: Հետաքրքրության համար սկսեցի մտնել տարբեր մարդկանց անձնական պրոֆիլներ, գրեթե բոլորի մոտ կա այդ խաղը: Եթե հաշվենք, որ Odnoklassniki.ru կայքը հայաստանում ամենաշատ օգտատերեր ունեցող կայքն է և այդ խաղն էլ ամենատարածվածներից մեկը, պատկերացրեք ինչքան խարդախներ ու հանցագործներ կարող են լինել՝ տարբեր շահադիտական նպատակներով,որոնց համար խնդիր չէ խաբել ցանկացած միամիտ, գլամուրային կյանքով ապրել երազող աղջկա կամ անչափահաս երեխաների: Հարգելի ծնողներ, լավ է որ դուք ձեզ համարում եք առաջադեմ ձեր 8-16 տարեկան երեխաներին թողում եք գրանցվել սոցկայքերում, բայց ցանկալի կլիներ նաև մեկ մեկ հետևեիք, տեսնեիք, ձեր երեխան արդեն իրեն հասուն մարդու տեղ դրած «Целуй и Знакомься» կամ նմանատիպ խաղեր է խաղու՞մ, թե ուղղակի անմեղ շփվում է իր դասընկերների հետ: ՈՒշադիր եղեք»: