«Դորիանսի»՝ Եվրատեսիլի համար գրված երգը խաղաղության կոչ է մարդկությանը (տեսահոլովակ)

Համացանցում հայտնվել է «Սա մեր աշխարհն է» («This Is Our World») երգը, որով «Դորիանս» խումբը ցանկանում է մասնակցել Եվրատեսիլին։ Թեև Հանրային հեռուստատեսությունը դեռ չի որոշել՝ ով է լինելու Հայաստանի մասնակիցը Բաքվում կայանալիք Եվրատեսիլ 2012-ին, սակայն մրցույթին մասնակցելու որոշում կայացնելուց հետո «Դորիանսը» հայտարարեց, որ պատրաստ է ներկայացնելու Հայաստանը։

Մենք զրուցեցինք խմբի մենեջեր Վահագն Գևորգյանի հետ՝ ստանալու համար մի քանի հուզող հարցերի պատասխաններ։ Հարցին, թե ինչո՞ւ «Դորիանսը» նորից որոշեց մասնակցել Եվրատեսիլին, Վահագնը պատասխանեց. «Մենք այդ մասին շատ ենք խոսել։ Պատճառը Ադրբեջանի հաղթանակն է»։ 

Քանի որ Հայաստանի ներկայացուցչի ընտրությունը դեռ չի կայացել և որպես հավանական թեկնածու շրջանառվում է նաև Լյուսիա Մունի անունը, հարցրինք, թե խմբի մենեջերն ինչքանո՞վ է հավանական համարում, որ հենց «Դորիանսի» երգը կընտրվի։ «Ես մեր հնարավորությունները բավական բարձր եմ գնահատում, սակայն չեմ կարող ասել՝ ով ինչ կորոշի։ Մենք մրցավազքի մեջ չենք ոչ մեկի հետ, պարզապես մեր գործն ենք անում»,-ասաց նա։

Երգի խոսքերին ուշադրություն դարձնողներն անկասկած կնկատեն, որ այն խաղաղասիրական բովանդակություն ունի։ Վահագն Գևորգյանն ասաց, որ խաղաղությունն առաջին հերթին իրենց հուզող հարց է, երգի նման բովանդակության ընտրությունը Բաքվի հետ կապ չունի։ Կոչն ուղղված է ոչ թե կոնկրետ ադրբեջանցիներին, այլ ամբողջ մարդկությանը։

Ձեզ ենք ներկայացնում երգի խոսքերը, որոնց հեղինակն է Վարդան Զադոյանը, իսկ երգի երաժշտության հեղինակներն են խմբի վոկալիստ Գոռ Սուջյանն ու ստեղնահար Արման Փահլևանյանը։

When the time is right, we always run away,
Or retire
Flawing water shouldn't really be afraid
From a fire
Why we hurt someone
Only just for fun
Why we always have to run

Why don't we just live like people have to live,
Tell me people
Why don't we just try to see the light and believe

Stop the fire
Cut the wire
People of the world
No more running
No more crying
This is our world

Why we like to make
Always-same mistake
Our love is truly fake
Why don't we just live like people have to live,
Tell me people
Why don't we just try to see the light and believe?