Իսրայելը Անկարայի կողմից իր հասցեին հնչեցրած մեղադրանքնրը «նոնսենս» է անվանել
Մերձավոր Արևելք
Թուրքիայի վարչապետ Ռեջեփ Թայիփ Էրդողանի հայտարարությունն այն մասին, թե Իսրայելը մասնակից է Եգիպտոսում նախագահ Մուհամմեդ ՄՈւրսիին տապալելու գործում ընդհանուր առմամբ «բացարձակ նոնսենս» է և «իրենից ոչինչ չի ներկայացնում», հայտարարել է Իսրայելի վարչապետի աշխատակազմի պաշտոնական ներկայացուցիչը` մեկնաբանելով Էրդողանի արած արտահայտությունը, գրում է Jerusalem Post-ը:
Իսրայելի ԱԳՆ մալո խոսնակն առհասարակ թուրք վարչապետի հայտարարությանը ոչ մի մեկնաբանություն չէր տվել` նշելով, որ նման արտահայտությունն ինքնին արժանի չէ ուշադրության:
Նշենք, որ երեքշաբթի օրը թուրք կառավարության ղեկավար Էրդողանն Իսրայելին մեղադրել էր Եգիպտոսի նախագահ Մուհամմեդ ՄՈւրսիին տապալելու մեջ ունեցած մասնակցության համար: Ավելի վաղ պաշտոնական Անկարան շատ բացասական էր արձագանքել եգիպտական նոր իշխանությունների կողմից հակակառավարական ցույցերը ցրելու միջոցներին:
Էրդողանի այս հայտարարությունը քննադատության էր արժանացրել նաև ԱՄՆ-ն: «Ենթադրություններն առ այն, թե Իսրայելը պատասխանատվություն է կրում Եգիպտոսում տեղի ունեցածի համար, վիրավորական են, անապացույց և սխալ», ասել է Պետդեպի պաշտոնական ներկայացուցիչ Մարի Հարֆը:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
