Մեծ Բրիտանիան հետ է կանչել իր դեսպանին Դամասկոսից

Մեծ Բրիտանիան հետ է կանչել իր դեսպանին Դամասկոսից։Երկրի արտգործնախարար Վիլիամ Հեյգը հայտրարել է, որ դեսպանը վերադարձել է խորհրդակցությունների նպատակով։ Սակայն ըստ Reuters-ի՝ դեսպանը Լոնդոն է վերադարձել Սիրիայում տիրող ճգնաժամի պատճառով։ Սիրիայից իր դեսպանին հետ է կանչվել նաև Բելգիայի թագավորությունը։ 

Նախօրեին հայտնի է դարձել, որ Դամասկոսում աշխատանքներն է դադարեցրել ԱՄՆ–ի դեսպանությունը և դիվանագիտական անձնակազմին հետ կանչել ԱՄՆ։ Միևնույն ժամանակ հաղորդվել է, որ Սիրիայում ԱՄն–ի դեսպանն իր աշխատանանքերը կշարունակի Վաշինգտոնից՝ մասնավորապես «աջակցելու սիրիական ընդդիմությանը և խաղաղ ճանապարհով իշխանությունը ժողովրդին հանձնելու գործընթացը», հաղորդում է Lenta.ru–ն։

Այսօր Սիրիա են ժամանում Ռուսաստանի արտգործնախարար Սերգեյ Լավրովը և արտաքին հետախուզության ղեկավար Միխայիլ Ֆրադկովը։

Ինչպես հաղորդում է BBC Russian–ը, միջազգային հանրությունը ուշադրությամբ հետևում է սպասվող այցի արդյունքներին։ 

Հիշեցնենք, որ փետրվարի 4–ին ՄԱԿ–ի ԱԽ–ում Սիրիայի բանաձևի վրա վետո կիրառեցին Ռուսաստանը և Չինաստանը, ինչը լուրջ քննադատությունների առիթ դարձավ միջազգային հանրության կողմից։