Եգիպտոսի դատարանն այսօր կքննի նախկին նախագահ Մուբարաքի ազատ արձակման հայցը

Այսօր Եգիպտոսի դատարանը քննելու է նախկին նախագահ Հոսնի Մուբարաքին ազատ արձակելու հայտը, ում դեմ ներկայացված մեղադրանքներից մեկը նախօրեին հանվել է, գրում է Reuters-ը` հղում կատարելով դատական մարմիններում իր աղբյուրներին:

Մուբարաքի փաստաբան Ֆարիդ ադ Դիբը երկուշաբթի օրը հայտարարել էր, որ նախկին նախագահը պետք է շաբաթվա վերջում ազատության մեջ հայտնվի, երբ Կահիրեի դատարանը պահանջել էր հանել կաշառակերության մեջ նրա դեմ ներկայացված հիմնական մեղադրանքներից մեկը:

Սակայն ԶԼՄ-ները հայտնում են, որ Մուբարաքը կալանքի տակ կմնա նրա դեմ ներկայացված մեկ այլ մեղադրանքի պատճառով:
Եթե դատարանն այսօր բավարարի փաստաբանի հայցը, ապա Մուբարաքը ազատության մեջ կհայտնվի`սպասելով իր դեմ նոր դատական գործընթացի անցկացմանը, քանի որ այլ օրինական հիմքեր նրան կալանքի տակ պահելու համար չկան: