Թուրքիայում շուրջ 100 բրիտանացի զբոսաշրջիկ է թունավորվել

Թուրքիայի Սիդե քաղաքի Sentido Perissia հյուրանոցում շուրջ 100 բրիտանացի զբոսաշրջիկ է թունավորվել. հաղորդում է բրիտանական Mirror թերթը:

Տուժածների մի մասը տեղափոխվել է հիվանդանոց, նրանց թվում կա նաև 5 ամսական երեխա: Այս պահին հյուրանոցի աշխատակիցները փակել են հյուրանոցի լողավազանը և խորհուրդ են տվել հյուրերին մնալ իրենց համարներում:

Ենթադրվում է, որ փսխումով և լուծով ուղեկցվող թունավորումն ունի վիրուսային ծագում:

Բրիտանական Thomas Cook զբոսաշրջային ընկերությունն իրավիճակը պարզելու համար Թուրքիա է ուղարկել իր մասնագետներին և առնվազն մեկ շաբաթով դադարեցրել է այդ հյուրանոց ճանապարհորդական փաթեթների վաճառքը: