«Ժողովուրդ». Մահացած զինվորի դեմքն ամբողջովին այրված է եղել
Հայկական Մամուլ
«Ժողովուրդ»-ը տեղեկացրել է, որ փետրվարի 2-ին՝ ժամը 17:00-ի սահմաններում, ղարաբաղա-ադրբեջանական շփման գծի հարավային՝ Հորադիզի պաշտպանական ուղղությամբ տեղակայված դիրքերից մեկում ստացած հրազենային վերքից մահացած Կառլեն Կարոյի Բաղդասարյանի հետ կապված միջադեպը տեղի է ունեցել Կառլենի և իր ծառայակից ընկերների միջև: Թերթի հետ զրույցում զինվորի հարազատները հայտնել են, որ Կառլենի դեմքն ամբողջովին այրված էր:
20-ամյա Կառլենի բարեկամները շատ վախվորած էին խոսում նրա մահվան մասին, ասում էին միայն այն, ինչը հստակ տեսել են իրենց աչքերով: Նրանք նշեցին, թե նկատել են, որ Կառլենի երեսն ամբողջությամբ այրված է եղել, բայց թե որն է եղել դրա պատճառը, վերջիններս չցանկացան պարզաբանել: Կառլենի ընտանիքը սոցիալապես այնքան էլ լավ պայմաններում չի ապրում, նրանց ճանաչողները նշել են, որ հայրը՝ Կարոն, բանվոր է աշխատում, և տան ամբողջ հոգսը նրա վրա է, գրում է թերթը։
Զինվորի հարազատներն ասել են, որ իկրենք սպասում են, թե երբ է Կառլենի սպայական անձնակազմը ներկայանալու և բացատրելու, թե իրականում ինչ է տեղի ունեցել նրա և ծառայակիցների միջև:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
