Կոչ՝ ուղղված Րաֆֆի Հովհաննիսյանին

Սևան Աղաջանյանը ֆեյսբուքյան իր էջում գրել է.

«Հարգելի Րաֆֆի Հովհաննիսյան, ես էլ դեմ եմ բոլոր տեսակի անարդարություններին: Բայց այստեղ շատ նուրբ հարցեր կան, որի հետ հաշվի չենք նստում: Ավելի էականը այն չէ, թե ով է երկրիդ ղեկավարը, ավելի էական է, թե նա ինչ ժողովուրդի նախագահ է: Այսինքն, մինչև ժողովուրդն ինքն առաջ չքաշի իրեն հուզող խնդիրները, ղեկավարը ձեռնամուխ չի լինի այդ խնդիրների լուծման, և կլուծի հիմնականում ավելի թեթև խնդիրներ:

Ես չեմ մասնակցել ձեր կողմից իրականացվող շարժմանը, բայց պակաս չեմ մտահոգված հայրենիքիս ճակատագրով: Պարզապես, այն գաղափարախոսությունը, որով և դուք եք շարժվում սխալ է (ըստ իս), և հենց դա է պատճառը, որ այժմ միասնական չէ մեր ժողովուրդը:
Հստակ պետք է գիտակցել, որ այժմ մեզ պետքլ Սերժ Սարգսյանի հրաժարականը, ոչ էլ ձեր վերընտրվելը: Ժողովուրդը կուշտ է արդեն այդ ձանձրալի թեմաներից: Ավելի լուրջ խնդիրներ կան, որ ծանրացած է մեր Հայրենիքում: Այսօր մեր մշակույթն է կործանվում:Ու այդ խնդիրը ոչ դուք, ոչ ինչ որ պաշտոնատար անձ և ոչ էլ ոչ ոք, չի կարող լուծել: Դա կարող է լուծել միայն ժողովուրդը: Այսօր մենք ոչ թե պետք է պահանջեք հրաժարական, այլ պետք է պահանջենք խնդիրների շուտափույտ լուծում: Համոզված եղեք, որ մեր Երկրի առջև ծանրացած խնդիրները ոչ Եվրոպան կարող է և ցանկանում է լուծել ոչ ՌԴ-ն և ոչ էլ ԱՄՆ: Մենք ինքներս պետք է լուծենք մեր առջև ծանրացած խնդիրները: Չէ որ այդ երկրների ղեկավարներն էլ մեր պես մարդիկ են, ունեն իրենց ընտանիքը, իրենց Հայրենիքը: Նրանց հազար տարի մնա չի մտահոգում, թե Հայաստանում կրթությունը ցածր մակարդակի վրա է, նրանց չի հետաքրքրում, որ այսօր հայերը հնարավոր է կեղտոտում են իրենց քաղաքն ու բնությունը…

Ուրեմն որպեսզի մենք կարողանանք միասին գործել, մենք հրապարակում չպետք է գոռանք:Հստակ պետք է քննարկվի ու մշակվի այն հարցերը և հարցերի լուծման տարբերակները, որոնք կբերի այս խնդիրների լուծմանը: Հիշեք, որ ժողովուրդի ամենամեծ միավորողը իր մշակույթն ու կրոն է և այդ միասնությունը ի զորու է լուծել ցանկացած խնդիր: Դա ապացուցում է մեր պատմությունը: Յուրաքանչյուրս, հենց ինքներս պետք է զբաղվի այս խնդիրների լուծմամբ, ու այդքանը պետք է կատարվի մի միասնական մթնոլորտում, իսկ այդ միասնությունը մեր մշակույթն է, մեր կրոն,մեր կրթվածության աստիճանը,մեր ազնվությունը»: