«Մաքսային միություն մեր մտնելով կամրագրվի Հայաստանի ինքնիշխանության փաստացի կորուստը»

Հրայր Մանուկյանը ֆեյսբուքյան իր էջում գրել է.

«Մաքսային միություն մտնողները դե յուրե (փաստաթղթով) զրկվում են ազատ առևտրի այլ գոտիների միանալու հնարավորության վերաբերյալ ինքնուրույն որոշում կայացնելուց: Այսինքն' մտնելով մաքսային միություն, մենք չենք կարողանա մտնել Եվրամիության խորը և համապարփակ ազատ առևտրի գոտի (զրոյական մաքսատորքերով առևտուր), քանի որ ԵՄ-ն, բնականաբար, մեզ վերաբերող հարցով չի բանակցի ռուսների հետ:

Մի կողմ թողնենք այն, որ տնտեսական տեսակետից Խորը և համապարփակ ազատ առևտրի գոտին հսկայական օգուտներ էր տալու, որն ի դեպ անհամեմատելի է ուղղակի Մաքսային միության հետ (սրա հիմնավորումները կարող եմ առանձին տալ): Մաքսային միությունը ներկայիս ավտորիտար Ռուսաստանի սահմանները մեծացնելու սկիզբն է' այլ երկներին ինքնիշխանությունից զրկելու հաշվին: Խոսք է գնում միասնական արժույթի, բանկային կարգավորման համակարգի մասին և այլն: Ինքնիշխանության քաղաքական կորուստն էլ Եվրասիական միությունն է լինելու:

Այնպես որ Մաքսային միություն մեր մտնելով կամրագրվի Հայաստանի ինքնիշխանության փաստացի կորուստը, որն էլ որոշ ժամանակ անց կարձանագրվի դե յուրե (աշխարհի քաղաքական քարտեզից Հայաստանի վերացմամբ): Ու ստեղ արդեն կարևոր չէ' ռուսները մեզ կծախեն թուքերին ու ադրբեջանցիներին' երկիրը բաժան-բաժան անելով, մի մասը իրանց կպահեն, թե այնուամենայնիվ ամբողջը իրանց կպահեն' որպես գաղութ: Առավել հավանական է առաջին տարբերակը' հաշվի առնելով ամբողջ աշխարհում Ռուսաստանի օրեցօր թուլանալու ու նվաստացվելու միտումը»: