«Հայկական ժամանակ». ՀՀ բնակչությունը 130 հազարով պակասել է

2011-ի մարդահամարի արդյունքներով, ՀՀ առկա բնակչության նախնական թիվը 2 միլիոն 871 հազար 509 է: Այս թիվը երեկ հրավիրված ասուլիսում հրապարակել է ՀՀ ազգային վիճակագրական ծառայության նախագահ Ստեփան Մնացականյանը: Ստացվում է, որ ՀՀ առկա մշտական բնակչության պաշտոնական թիվը վերջին 10 տարիների ընթացքում նվազել է ավելի քան 130 հազարով: 2001-ի մարդահամարի տվյալներով, առկա մշտական բնակչությունը Հայստանում եղել է 3 միլիոն 2 հազար մարդ, գրում է «Հայկական ժամանակ»-ը։