Հրանտ Բագրատյան. «Կամ վատ է լինելու, կամ էլ` խայտառակվելու ենք»

ԱԺ ՀԱԿ խմբակցության պատգամավոր Հրանտ Բագրատյանը ֆեյսբուքյան իր էջում գրել է.

«Կրիննիցայում եմ, Լեհաստանում։ Մասնակցում եմ տնտեսական ֆորումի աշխատանքին։ Աշխարհի մոտ 50 երկրներից 2700 մարդ է մասնակցում։ Հիմնական թեմաներից մեկն էլ արևելյան գործընկերությունն է։ 2 զեկումցում ունեմ։ Առավոտ է, 4-ը սեպտեմբերի 2013թ։ Այս պահին հարյուրավոր հարցապնդումներ եմ ստանում եվրոպացեներից ու բազմաթիվ զանգեր Հայաստանից մեր երկրի մաքսային միությանն անդամակցելու վերաբերյալ։ Այստեղ ևս հայաստանցիները (Ա.Մկրտչյան և մյուսնե) բացատրություններ են խնդրում։ Հայաստանի լրագրողներին, մինչև վերադառնալս, ընդհանուր ձևով պատասխանում եմ։ ես պնդում եմ, որ նման հարցերը (մաքսային միություն, թե ասոցացման համաձայնագիր) պետք է լուծել հանրաքվեի միջոցով։

Այս տարվա նախագահական ընտրություններին միակն եմ եղել, որ կոչ եմ արել այդ մոտեցման օգտին։ Մի լուծեք այդ հարցերը միանձնորեն։ Կա ժողովուրդ։ Ինչպես քվեարկեց այդպես էլ կլինի։ Այլապես կամ վատ է լինելու կամ էլ խայտառակվելու ենք։ երեկ, սեպտեմբերի 3-ին Կենտրոնով ցույց են տվել իմ հարցազրույցը Պետրոսի հետ։ Այն նկարահանվել էր նախօրեին, մինչև Սերժ Սարգսյանի մոսկովյան այցը։ Այնտեղ, վերջում, ասում եմ, որ մինչև եվրոպական համաձայնագիրը ստորագրելը "սյուրպրիզներ" կլինեն։ Փաստորեն երեկ եղավ։

p.s. Այս օրերին ինձ զանգում են նաև սեպտեմբերի 2-ին կայացած "դատավարության" արդյունքների համար։ Նորից եմ ասում. դա դատավարություն չէ, այլ սամասուդ։ Կվերադառնամ և հանդես կգամ ընդարձակ տեղեկատվությամբ։ Այդ թվում կհրապարակվեն բոլոր փաստաթղթերը։ Դուք կիմանաք նաև իշխանություններից այն մարդու անունը ով այդ խայտառակությոնը պատվիրել էր։ Միևնույնն է, խնդիրն այնպիսին է (ավելի ճիշտ խնդրի բացակայությունն այնպիսին է), որ նույնիսկ Հայաստանի նման անիրավական երկրում ի վերջո ես հաղթելու եմ։ Միայն ցավում եմ, որ դու քո գործ ես անում, իսկ քեզ մերթ ընդ մերթ դատում են»։