«Թող Վանոն ընտրվի Գրողների միության նախագահ»
Բլոգոսֆերա
Նորայր Նորիկյանը ֆեյսբուքյան իր էջում գրել է.
«Մի քանի օր առաջ կյանքից անժամանակ հեռացավ Հայաստանի գրողների միության նախագահ Լևոն Անանյանը, մարդ, որ ամբողջ կյանքը նվիրեց լրագրությանն ու գրականությանը…
Ինչ խոսք, իր գործունեության ընթացքում իր ներդրած ավանդով միայն հարգանքի է արժանի մեր օրերի մտավորականը…Թող լույս իջնի նրա շիրիմին…
Առաջիկայում, ըստ ամենայնի, Հայաստանի գրողները ընտրելու են Գրողների միության նոր նախագահին:
Որքան հիշում եմ, վերջին տարիներին տեղի ունեցած Գրողների միության նախագահի ընտրություններն անցնում էին բավականին բուռն, էմոցիոնալ մթնոլորտում, ինչը նաև պայմանավորված է նրանց ստեղծագործական մտածողությամբ, մտավորականի իրենց բռնկուն տեսակով…
Թե ով կընտրվի նոր նախագահ, ցույց կտա ժամանակը, այդուհանդերձ, իմ կարծիքով, մեր ժամանակների լավագույն գրողը Վանոն է՝ ստանդարտներից դուրս իր ստեղծագործական մտանյությամբ, և այլն, և այլն, և այլն…
Թող Վանոն ընտրվի Գրողների միության նախագահ, մեր գրողները թող Վանոյին առաջադրեն ու ընտրեն որպես Հայաստանի գրողների միության նախագահ:
Չեմ կասկածում, որ մեր մտավորականության շրջանակում շատ բան կփոխվի. համենայնդեպս գրական կյանքը կսկսի ապրել նոր շնչով, քաղաքը կապրի գրականության հովով…»:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
