Պարսից ծոցի երկրները հետ են կանչել Սիրիայից իրենց երկրների դեսպաններին
Մերձավոր Արևելք
Պասից ծոցի արաբական երկրների համագործակցության խորհուրդը (GCC) երեքշաբթի հայտարարելէ, որ իրենց անդամ երկրների բոլոր դեսպանները հետ են կանչվել Սիրիայից։ Կազմակերպության հայտարարությունում նշվում է, որ միևնույն ժամանակ անդամ պետությունների տարածքից պետք է լքեն Սիրիայի դեսապնները և բարձրաստիճան դիվանագետները։
Նման որոշում են կայացրել համագործակցության խորհուրդի անդամ վեց երկրներ՝ Սաուդյան Արաբիան, ԱՄԷ-ը, Բահրեյնը, Քուվեյթը, Օմանը և Կատարը՝ ի նշան բողոքի Սիրիայում նախագահ Բաշար Ասադի ռեժիմի կողմից խաղաղ բնակչության դեմ շարունակվող բռնությունների։
Բացի այդ, Al Arabiya հեռուստատեսությունը երեքշաբթի երեկոյան հայտարարել է, որ կառավարական զորքերը զանգվածային հարձակումներ են սկսել Դաարա քաղաքում։ Միևնույն ժամանակ հաղորդվել էր, որ փետրվարի 7–ին վերսկսվել էին Հոմս քաղաքի հրետանային ռմբակոծությունները, հաղորդում է Lenta.ru–ն։
Հիշեցնենք, որ նախօրեին Մեծ Բրիտանիան, Ֆրանսիան, Իտալիան, Բելգիան, Իսպանիան և Նիդեռլանդները հետ են կանչել Սիրիայում իրենց դեսպաններին։ Ավելի վաղ ԱՄՆ–ը դադարեցրել էր Սիրիայում իր դեսպանության աշխատանքները և անմիջապես հետ կանչել իր դիվանագետներին։
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
