Ռուսաստանում ԱՄՆ դեսպանը Russia Today–ին մեղադրել է կեղծիքի մեջ

Ռուսաստանում ԱՄՆ–ի դեսպան Մայքլ Մաքֆոլը  ռուսական Russia Today հեռուստաալիքին մեղադրել է կեղծ տեղեկություններ տարածելու համար։ 

Twitter-ի իր էջում դեսպանը գրել է, որ ինքը Ռուսաստանի ընդդիմադիր ճակատի ակտիվիստներից Ալեքսեյ Նավալնիին չի ուղարկել ԱՄՆ–ի Յելի համալսարանում սովորելու։ Մաքֆոլի գրառումն ուղղված է եղել RT–ի գլխավոր խմբագիր Մարգարիտա Սիմոնյանին, հաղորդում է BBC Russian-ը։   

«Երբ մենք հանդիպեցինք Սպիտակ Տանը, Դուք ինձ խնդրեցիք Ձեզ հետ կապ հաստատել, եթե RT–ով սուտ տեղեկատվություն հեռարձակվի։ Այսօր RT–ով հաղորդվել է, որ ես իբր Նավալնիին ուղարկել եմ Յելի համալսարանում սովորելու։ Դա սուտ է», – գրել է Մաքֆոլը։