Թուրքիայում արձաններն ապամոնտաժել են ՀՀ զինանշանին նմանության պատճառով

Թուրքիայի Քյոթահիա քաղաքի համալսարաններից մեկի ղեկավար խորհուրդը որոշել է հեռացնել համալսարանի բակում գտնվող արծվի և առյուծի արձանները։ Պատճառներ չեն հայտարարվել, սակայն խորհրդարանում ընդդիմադիր պատգամավոր Օքթայ Էքշինը հայտնել է քանդակի ապամոնտաժման իրական պատճառների վերաբերյալ իր ենթադրությունը: Ըստ պատգամավորի, այն ապամոնտաժվել է,քանի որ Հայաստանի Հանրապետության պետական զինանշանի վրա ևս արծիվ և առյուծ է պատկերված։

Սակայն Դամլուփինար համալսարանի բակում տեղադրված արձանների քանդակագործը հայտարարել է, որ ինքը չէր կարող ոգեշնչվել Հայաստանի զինանշանից։ Ըստ հեղինակի բացատրության՝ արձանները խորհրդանշում են թուրք երիտասարդության և ազգի միասնականությունը երկրի ամբողջականության պահպանման հարցում։