Գրպանային խորհրդարանի աշնանային մեկնարկը

Քաղաքագետ Սուրեն Սուրենյանցը ֆեյսբուքյան իր էջում գրել է.

«Այսօր մեկնարկում է ԱԺ աշնանային նստաշրջանը:

Այս իրադարձությունը, սակայն, նշանակալի որեւէ դեր չունի երկրի քաղաքական կյանքում:

Խորհրդարանի դերը զրոյացված է ներքին եւ արտաքին քաղաքականության սկզբունքային հարցերում:

Երե խորհրդարանական մեծանասնության ղեկավարը հայտարարում է, որ Հայաստանը անպայման ստորագրելու է Ասոցացման համաձայնագիրը, իսկ դրանից ժամեր անց` նույն այն կուսակցության լիդեր-հանրապետության նախագահը Մոսկվայում հայտարարում է մեր երկրի' Մաքսային միությանը միանալու մասին, ապա ԱԺ մեծամասնություն ներկայացնող 70 պատգամավորներն ոչ թե քաղաքականություն կերտող են, այլ ընդամենը` անհրաժեշտ պահին կոճակ սեղմողներ:

Եթե ներքաղաքական բոլոր գործընթացներևը ծավալվում են խորհրդարանի պատերից դուրս, ապա ԱԺ-ն դադարում է բարձրագույն մարմին լինելուց' վերածվելով արքունիքին կից մի մարմնի, որտեղ իրար պարբերաբար հանդիպում են իշխանության կերակրատաշտին մոտ գտնվող տարբեր խմբավորումների ներկայացուցիչներ:

Այնուամենայնիվ, մեր խորհրդարանը մի առաքելություն ունի. նա մի հայելի է, որտեղ երբեմն-երբեմն արտացոլվում են ներիշխանական հակասությունները, տարբեր օլիգարխների հարաբերությունները` պայմանավորված նրանց բարեւի կամ այլ դրսեւորումներով:

Այս խորհրդարանը մի ցավալի «առաքելություն»  եւս կարող է ունենալ, եթե վավերացնի Հայաստանի անդամակցությունը Մաքսային միությանը, կամ որ նույնն է' ընդունի ակտ Հայաստանի կապիուլյացիաի մասին:

Նման հեռանկարի համար զարմանալ պետք չէ. Հայաստանն ինքն ինքնիշխան պետություն չէ: Սերժ Սարգսյանի քաղաքականությունն որոշվում է Մոսկվայում, խորհրդարանը կատարում է Սերժի կամքը: Ստացվում է` մեր խոհրդարանն, իր կարգավիճակով, մոտ է, ասենք, Կրասնոդարի երկրամասի օրենսդիր մաիմնին»: