Հարկադրված մարտավարություն՝ հաղթանակի մշուշոտ հեռանկարով

Սուրեն Սուրենյանցը ֆեյսբուքյան իր էջում գրել է.

«Հայաստան-Դանիա հանդիպման առաջին խաղակեսը տպավորիչ չստացվեց: Հայաստանի հավաքականը հարկադրված ընտրել էր հակագրոհների մարտավարությունը: Դա պայմանավորված էր, առաջին հերթին, հարձակման առաջատար Յուրա Մովսիսիյանի բացակայությամբ:

Բացի այդ, այդ մարտավարությունը Հայաստանին հաջողություն էր բերել Չեխիայի ընտրանու հետ խաղում:

Անկեղծ լինելու համար՝ նկատեմ, որ նման մարտավարությունը, գոնե այս խաղում, վերնայման կարիք ունի, որովհետեւ մեր հավաքականին միայն հաղթանակ է պետք:

Առաջին խաղակեսում հաղթական ոգին մի փոքր նահանջել էր. հիշարժան էր, թերեւս, Արազ Օզբիլիսի գեղեցիկ անցումը:

Հուսանք, որ երկրորդ խաղակեսում ավելի տպավորիչ խաղ կտեսնենք»: