Եգիպտոսում սպանել են գերմանական «Սիմենս» ընկերության ներկայացուցչության պետին

Եգիպտոսում սպանել են գերմանական «Սիմենս» ընկերության Կահիրեում գործող ներկայացուցչության պետին։ 45-ամյա Հանի Լոկայի դին գտնվել է եգիպտական մայրաքաղաքի արվարձաններից մեկում՝ մարմնի վրա բռնության հետքերով։

Լոկան 4 օր էր կորած էր համարվում։ Մահացածի հարազատները դիմել էին ոստիկանություն՝ նրա անհետացման կապակցությամբ, և որոնողական աշխատանքների արդյունքում գտնվել է նրա դին, ինչպես նաև լքված մեքենան։ «Սիմենս» ընկերության գրասենյակից հաստատել են իրենց տարածաշրջանային ներկայացուցչի մահվան մասին տեղեկությունը, հաղորդում է «ИТАР-ТАСС» լրատվական գործակալությունը։
Տեղեկություններ կան, որ արդեն ձերբակալվել են 2 կասկածյալներ՝ ոմն Հորդանանի բնակչուհի և նրա ընկերը, որոնք գումարներ են շորթել Լոկայից։ Ինչպես պատմել են կասկածյալները, իրենք Լոկայի հետ ծանոթացել են մեկ տարի առաջ Կահիրեի հյուրանոցներից մեկում, հայտնում է «ИТАР-ТАСС» լրատվականը։