Սալեհը մտադիր է վերադառնալ Յեմեն

Յեմենի նախկին նախագահ Ալի Աբդալլա Սալեհը հայրենիք կվերադառնա նախագահական ընտրություններից առաջ, որոնք տեղի կունենան փետրվարի 21-ին։ Այս մասին տեղեկանում ենք երկրի պաշտպանության նախարարության պաշտոնական կայքում տեղադրված հաղորդագրությունից։

«Ես հայրենիք եմ վերադառնալու բուժման ավարտից հետո, որպեսզի այնտեղ լինեմ ընտրություների ժամանակ»,– հայտարարել է Սալեհը։
Նշենք, որ փետրվարի 21-ին նախատեսված Յեմենի նախագահի ընտրություններում առաջադրվել է միայն մեկ թեկնածու՝ երկրի վարչապետ Աբդ Ռաբբո Մանսուրա Հադին, որը հաջողության դեպքում կղեկավարի երկիրը երկամյա անցումային շրջանի ընթացքում։

Սալեհը լի է վճռականությամբ՝ քաղաքական գործունեությունը շարունակելու առումով։ Պահպանելով «Համընդհանուր ժողովրդական կոնգրես» կուսակցության առաջնորդի դիրքերը՝ Ալի Սալեհը մտադիր է համալրել ընդդիմության շարքերը, հայտնում է «vesti.ru»-ն։