«Դուք «VIP» եք միայն Ձեր երևակայության մեջ»

Ալեն Սիմոնյանը Facebook սոցցանցի իր էջում գրել է.

«Մարդիկ հաճախ զուրկ են ինքնաքննադատությունից: Երբ մի վատ բան են անում ու մեկը մատնացույց է անում դա, փոխանակ իրենց սխալները ուղղեն` ասողին են թշնամի համարում : Ու եթե դա վերաբերվեր, ասենք` անձնական կյանքին կամ անձնական բիզնեսին, գուցե կարելի է անտարբեր լինել, բայց խոսքս պետական հիմնարկների մասին է, որի ղեկավարը ասենք, երբ ուզում է քաղաքացուն թալանի կամ օրենք խաղտի` դիմադրության է հանդիպում, դա վերափոխում է անձնական թշնամանքի: Կարծում է, որ կոնկրետ իր դեմ է արվում: Ու «ջեհադ» հայտարարում քաղաքացուն, ակտիվիստին, լրագրողին: Իսկ հրապարակավ արդարանալու ամենատարածված տարբերակը դա արտասահմանյան զարգացած երկրների նմանատիպ օրինակներ բերելն է: Բնականաբար անտեսելով, թե բերված երկրների քաղաքացիների ապահովվածությունը, թե օրենքի առջև այդ երկրներում մարդկանց հավասարության մասին, մարդկանց կյանքի բարձր մակարդակի մասին և ուղղակի այն ամենը, ինչով նրանց ապահովվում են իրենց իշխանությունները: Ու ամենակարևորը մոռանալով նաև նշված երկրների ղեկավարների և հասարակ չինովնիկների լեգիտիմության մասին:

Հիշեք, քննադատությունը և դիմադրությունը Ձեր նկատմամբ, ուղղակի, անհրաժեշտ պաշտպանություն է : Ոչ մի անձնական բան, քանզի հիմնականում Ձեր մասին հիշում կամ ճանաչում են, երբ մի վատ բան եք անում: Ու ոչ մի հիմնարկ, ուր հայակական զինանշան և դրոշ կա, Ձեր պապերի թողածը չէ ու Ձեր սեփական բիզնեսը չէ: Եվ անկախ ձեր թանկ հագուստներից, շքախմբերից` «VIP» եք դուք միայն Ձեր երևակայության մեջ` ու ոչ մեկին չեք հետաքրքրում»: