«ՀՀ նախագահի «Mercedes»–ը հասարակ S-Class չէ»

Վահե Մակարյանը ֆեյսբուքյան իր էջում գրել է.

«Երեկ աշխատանքից դուրս եկա ու տեսա, որ Լուսավորիչ և Արշակունյաց պողոտաները փակ են և ինչ-որ իրարանցում է սկսվել ոստիկանների կողմից: Հասկացա, որ ինչ-որ կարևոր անձ է գալիս, դրա համար են փակել ճանապարհները: Դեպի ներքև սլացող առաջին երկու ոստիկանական Prado-ներից անմիջապես կռահեցի, որ եկողը երկրի գլխավոր դեմքն է՝ նախագահը, արդեն երրորդ ոստիկանական մեքենայից էլ հասկացա, որ նախագահի կորտեժը համալրվել է ևս մեկ՝ արդեն նոր սերնդի ու թվով ավելի թարմ ոստիկանական Toyota Prado-ով: Վայրկյաններ անց արդեն իրար հետևից սլացող սև ու հսկայական Land Cruiser 200-ների արանքից նշմարեցի նախագահի՝ առանց պետհամարանիշի զրահապաս սև Mercedes S-Class-ը: Ընդամենը մի քանի ակնթարթ տեսնելով այն՝ հասկացա, որ նախագահի ծառայողական ավտոմեքենան ևս փոփոխություն է կրել. կա՛մ նախագահականը նոր մեքենա է պատվիրել՝ նույն W221 թափքով S-Class-ից, բայց արդեն restyling-ի ենթարկված ու թվով ավելի թարմ, կա՛մ ուղղակի հինն ուղարկել են վերաոճավորելու կամ թեթև թյունինգավորելու՝ փոխելով լուսարձակները, որ երկրի գլխավոր դեմքը ևս հետ չմնա նորաձևությունից:

Բայց, ամենայն հավանականությամբ, նախագահականում ընտրել են երկրորդ՝ ավելի հեշտ տարբերակը, քանզի չեմ կարծում, որ պետբյուջեից այդքան գումար հատկացնեին՝ մի երկու թիթիզ լուսարձակների համար պատվիրելով նոր զրահապատ ու թանկարժեք S-Class, քանզի կոնկրետ մեր նախագահի ավտոմեքենան հասարակ S-Class չէ, ու ստանդարտից բավականին թանկ արժե:

Ինչևէ, միջնադարյան արշավանքների նման կատաղի ու գրոհի ենթարկող ձևով առաջ սուրացող հսկայական ավտոշարասյան վերջում նկատվեց համեմատաբար ավելի հանդարտ ու ասես ուշացած ընթացքով նախագահի Mercedes-ին հետևող ԱԺ նախագահի BMW 750Li ծառայողական ավտոմեքենան՝ իր ներկայությամբ մի տեսակ յուրահատուկ դրայվ ու գեղեցկություն մտցնելով ՀՀ նախագահի՝ ճապոնաշտուտգարդյան միապաղաղ ու անհետաքրքիր «արշավական» ավոտշարասյան մեջ... (Վ.Մ)»։