Տարոն Մարգարյանի և վարչապետի հրաժարականները պահանջողները կավելանան

Տարոն Մարգարյանի հրաժարականը պահանջողների թիվը շուտով կավելանա՝ ի դեմս Երեւանի Կոզեռն թաղամասի բնակիչների, քանի որ բազմաշնորհ մեր քաղաքապետը տնտեսակազմաքանդիչ և օֆշորագետ վարչապետի հետ միասին հղացել են հերթական հակաժողովրդական մտահաղացումը՝ Կոզեռն թաղամասում հողամաս նվիրաբերել ՀՀ նախկին վարչապետ Արմեն Սարգսյանին պատկանող «Երևան իմ սեր» հիմնադրամին: Ի դեպ, առաջարկողը Տարոն Մարգարյանն է եղել, ով, ինչպես երևում է՝ չի դադարում «ավելի լավ Երևանն» էլ «ավելի լավ» դարձնելու իր փորձերը:

Վերը նշված հիմնադրամի գործառույթների և նպատակների մասին կարելի է կարդալ համացանցում: Բնականաբար, գրված է, որ նպատակները շատ լավն են, բարի, ճարտարապետական մշակութային ժառանգության վերականգնում և պահպանում և այլն: Սակայն չմոռանանք նշել, որ բոլոր՝ նույնիսկ հրեշավոր ծրագրերը հանրությանը միշտ ներկայանում են բարի նպատակներով, ներկայացնում գեղեցիկ շարադրված ծրագրեր:
Ինչևէ, թե ինչ օգուտ ունի Տարոն Մարգարյանն այս գործարքում, շուտով կերևա: Իսկ որ մեր պաշտոնյաներն առանց օգուտի ոչինչ չեն ձեռնարկում, դա էլ նորություն չէ:

Կարեն Վարդանյան