Ռուսաստանը դուրս կգա ռազմավարական սպառազինությունների կրճատման պայմանագրից

Մոսկվան չի բացառում ռազմավարական հարձակողական սպառազինությունների կրճատման (СНВ) պայմանագրից դուրս գալու հնարավորությունը, սակայն այդ մասին դեռևս ոչ մի քննարկում չի եղել, այս մասին Интерфакс-ին հաղորդել է Ռուսաստանի Արտաքին գործերի նախարարության անվտանգության և սպառազինության դեպարտամենտի ղեկավար Միխայիլ Ուլյանովը։

«Իհարկե, մեզ ցանկալի չէ այդ քայլին գնալը, սակայն մենք չենք բացառում դա», – ասել է Ուլյանովը։

Այս պայմանագրից Ռուսաստանի դուրս գալու հնարավորության մասին անցյալ տարի աշնանը հայտարարել էր Ռուսաստանի նախագահ Դմիտրի Մեդվեդևը։ Վերջինս նման հայտարարություն էր արել՝ ի պատասխան ԱՄՆ–ի կողմից Եվրոպայում հակաօդային պաշտպանության համակարգերի տեղակայման։ 

Պաշտոնական Մոսկվան պնդում է, որ ինքը հավատարիմ է մնում ռազմավարական հարձակողական սպառազինության կրճատման և ՀՕՊ համակարգերի տեղակայման վերաբերյալ կնքված պայամանագրերի տառին, սակայն Վաշինգտոնը հերքում է այդ պնդումները։