Սաուդյան Արաբիայում կանայք կփորձեն մեքենա վարել` չնայած գործող արգելքին
Մերձավոր Արևելք
Սաուդյան Արաբիայում ավելի քան 5.000 կին մտադիր է հոկտեմբերի 26-ին նստել մեքենայի ղեկին` սրանով իսկ խախտելով թագավորության պահպանողական ավանդույթները, որոնք արգելում են իգական սեռի ներկայացուցիչներին մեքենա վարել. գրում է РИА Новости-ն:
«Շարիաթում ոչ մի հիշատակում չկա կանանց կողմից մեքենա վարելն արգելելու վերաբերյալ: Եվ եթե նույնիսկ լիներ, մենք ապրում ենք ժամանակակից աշխարհում, որը թելադրում է իր կանոնները: Մեքենան առօրեական անհրաժեշտություն է»,-ասում է կանանց իրավունքների պաշտպանության սաուդյան շարժման ակտիվիստուհիներից մեկը:
Նրանք մտադիր են բողոքի ակցիան կազմակերպել հոկտեմբերի 26-ին` չնայած իշխանությունների կողմից ձերբակալվելու և տուգանքների ենթարկվելու սպառնալիքներին:
Սաուդյան Արաբիան աշխարհում միակ պետությունն է, որն արգելում է իգական սեռին մեքենա վարել: Կանանց իրավունքների պաշտպանության ակտիվիստուհիները, մեկ տասնամյակ չէ, որ փորձում են պայքարել այդ արգելքի դեմ: Սովորաբար նման ակցիաներն ավարտվում են զանգվածային ձերբակալություններով և հսկայական տուգանքներով:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
