Սիրիայում գրոհայինները պատանդ են վերցրել 40 ուղևոր տեղափոխող ավտոբուսը

Սիրիական ահաբեկչական «Նուսրայի ճակատ» խմբավորման գրոհայինները Սիրիայի հյուսիսում պատանդ են վերցրել ուղևորատար ավտոբուս. գրում է Fars գործակալությունը: 

Ինչպես տեղեկացնում է գործակալությունը, ավտոբուսում եղել է 40 ուղևոր, որոնց թվում` կանայք և երեխաներ: Միջադեպի այլ մանրամասներ չեն հաղորդվում:

2013թ. մայիսին ԱՄՆ-ի պետդեպարտամենտը «Ալ Քաիդայի»-ն հարող այս կազմակերպությունն ընդգրկել էր ահաբեկչական կազմակերպությունների ցուցակում: