Ջասթին Բիբերը հարձակման է ենթարկվել

Միլիոնավոր դպրոցականների կուռքը դարձած Ջասթին Բիբերը դարձել է միջադեպի մասնակից, որը կարող էր «շատ թանկ նստել նրա վրա»։ Լոս Անջելեսի օդանավակայանում նրա վրա է հարձակվել մի պապարացի։

Այն պահին, երբ Բիբերի թիկնապահը շրջվել է, նրա վրա է հարձակվել մի ֆոտոլրագրող և սկսել ակտիվորեն լուսանկարել պատանուն։ Վերջինս կոպիտ կերպով պահանջել է չլուսանկարել իրեն, ինչից հետո ֆոտոլրագրողը չի կարողացել զսպել իրեն և հարձակվել է Բիբերի վրա։

Ինչպես հետո հաջողվել է պարզել, ֆոտոլրագրողն իր մոտ զենք է ունեցել։ Բարեբախտաբար, գործը դրան չի հասել։