«Չորրորդ ինքնիշխանություն». Տիգրան Սարգսյանի՝ ընկերներ ունենալու սահմանադրական իրավունքը
Հայկական Մամուլ
Պատասխանելով այն հարցին, թե ինչո՞ւ է գյուղացիներին դիզվառելիք մատակարարելու բացառիկ իրավունքը տվել իր մտերիմ գործարար Բարսեղ Բեգլարյանին, վարչապետ Տիգրան Սարգսյանն ասել է. «ի՞նչ է, վարչապետը մտերիմներ չպե՞տք է ունենա»:
Մեկնաբանելով Տիգրան Սարգսյանի խոսքերը՝ «Չորրորդ ինքնիշխանություն» թերթը գրում է. «Փաստորեն, լրագրողները քիչ էր մնում ոտնահարեին վարչապետի՝ մտերիմներ ունենալու սահմանադրական իրավունքը: Զավեշտը, սակայն, դա չէ, այլ այն, որ վարչապետը որպես արդարացում հայտարարում է, թե վառելիք ներկրող բոլոր 6 ընկերություններն էլ իր հետ շատ լավ հարաբերությունների մեջ են: Այսինքն՝ Հայաստանում այդ բիզնեսով զբաղվել կարող են միայն նրանք, ովքեր Տիգրան Սարգսյանի հետ «քիփ են»:
Բայց վերադառնանք մտերիմներ ունենալու իրավունքին: Վարչապետն, իհարկե, կարող է մտերիմներ ունենալ: Բայց քանի որ պատահաբար միշտ այնպես է ստացվում, որ հենց այդ մտերիմներն են զանազան արտոնություններ ստանում, առաջարկում ենք մի շատ պարզ մեխանիզմ. թող վարչապետի մտերիմները որոշվեն մրցութային կարգով: Այդ դեպքում բոլորը վարչապետի մտերիմը դառնալու հավասար հնարավորություն կունենան, պետությունն էլ միայն կշահի»:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
