«Ասում են` երեկ վարաչապետը նյարդայնացած` լուծումներ էր փնտրում»

Ազգագրագետ Հրանուշ Խառատյանը ֆեյսբուքյան իր էջում գրել է.

«Ասում են, երեկ վարաչապետը նյարդացած լուծումներ էր փնտրում, թե ինչպես նվազեցնի և աստիճանաբար ազատվի կառավարության շենքի առաջ հավաքվող բողոքավորներից: Կարծես թե լուծումը չի գտել: Առաջարկ ունեմ:

ա/ Կառավարության շենքը ծախել Էռնեկյաին,

բ/ կառավարությունը տեղափոխել Մոսկվա: Կամ՝ գուցե Կրասնոդար, եթե Մոսկվայում չհամաձայնեն: Էռնեկյանից ստացված դրամը կբավանականցնի,

գ/ կառավարության անդամների վրա դնել Ռուսաստանում իրենց կեցության պայմանների ստեղծումը: Ով չի կարողանա՝ դուրս գա կառավարությունից, նրանց հեշտ է փոխարինել կարողացողներով: Ռուսաստանում էլ կադրերի պակաս չի լինի: Այդ թվում՝ մի քանի ռուսներ: Միանգամից կլուծի նաև ՀՀ կառավարման համակարգը այլազգիներով համալրելու պարտավորությունը: Ախ, չէ, մոռացել էի, սա եվրոպական պարտավորություն էր: Հիմա ոչ թե ՛՛այլազգիներով՛՛ պետք է համալրի, այլ՝ ռուսներով: Դե, ուրեմն, ավելի հեշտ կլինի: Հասկանալի է, որ Կիպրոսն ավելի գայթակղիչ է, բայց վախենամ՝ չթողնեն: Բոլոր դեպքերում գլխավոր խնդիրը լուծած կլինի՝ ինչ որոշում ուզում ես՝ ընդունիր, բողոքավորների երեսը չես տեսնի: Ռուսաստանի երկուսուկես միլիոն հայերն էլ ավելի պաշտպանված կզգան իրենց: Ու դրա համար ստիպված կլինեն մի քիչ ավել վճարել ՛՛ՀՀ կառավարությանը՛՛:

Խաբված եվրոպացիներին էլ ընդունելու և բացատրություններ տալու անհրաժեշտություն չի լինի: Ինչքա՜ն հարց է լուծվում: Տարին մի անգամ կգան, ԱԺ-ում կհաստատեն բյուջեն: Այդ պատճառով ֆիննախին չեն տանի, որ այստեղ՝Հայաստանում, ողջ տարին ձևավորի հաջորդ տարվա բյուջեն: Տարվա մնացած օրերին՝ ընդունելություններ, պարահանդեսներ, համերգներ, տարելիցեր...Ամռանը՝ Սոչի, Սուխում... Միմյանցից չբաժանվելով: Խիստ գործնական քննարկումներ՝ արևայրուքի, Վոլգայից բերված խորոված թարմ թառափի հոտի մասին...Եվ, իհարկե, Հայաստանի մասին ճակատագրական որոշումների կայացումով՝ ում ինչքան հանք, որտեղ հանք, ինչքան անտառ կտրել, ինչքան մարդ դուրս անել բնակարաններից ՛՛պետական կարիքների համար՛՛... Ու զոհերին չտեսնել, չլսել, ստիպված չլինել ետնամուտքով ելումուտ անել...»: