ՀԴԲ–ն հրապարակել է Սթիվ Ջոբսի անձնական գործը

ԱՄն–ի Հետախուզությունների դաշնային բյուրոն (FBI) հրապարակել է Apple ընկերության հիմնադիր Սթիվ Ջոբսի անձնական գործը, որը պատրաստվել է 1990–ականների սկզբին։ 191 էջանոց փաստաթուղթը հրապարակվել է՝ համաձայն տեղեկատվության ազատության օրենքի։

Ջոբսի գործը ստեղծվել է 1991–ին, երբ քննարկվում էր վերջինիս՝ ԱՄՆ–ի նախագահ Ջորջ Բուշ ավագին առընթեր Արտահանման հարցերով խորհրդին անդամակցելու հարցը։ Ջոբսն այդ ժամանակ ժամանակավորապես հեռացել էր Apple–ից։ Արտահանման հարցերով խորհրդին անդամակցելու հրամանը հաստատվելուց հետո նա անցել է աշխատանքի։ 

Աշխատած տարիներին դաշնային հետախուզության գործակալները Ջոբսի մասին հարցաքննել են նրա մերձավոր շրջապատից 29 հոգու։ Հարցվածներից մի քանիսը հակասական բնութագիր են տվել։

«Հանուն իր անձնական նպատակների՝ նա պատրաստ է ճշմարտությունը թաքցնել և իրականաությունը խեղաթյուրել», – փաստաթղթում նշված են նրա մերձավորներից մեկի խոսքերը։ Ջոբսի մերձավորներից մեկն էլ գործակալներին հայտնել է, որ նա «ճշմարիտ և անկեղծ է և գրեթե միշտ ասում է այն, ինչ մտածում է»։ 

Անձնական գործում նաև նշվում է Ջոբսի անձնական կյանքի մասին՝ մասնավորապես նշվում է, որ Ջոբսը որոշ ժամանակ չի հետաքրքրվել արտաամուսնական կապից ծնված աղջկանով և նրա մայրով։ 

Գործակալների հետ հարցազրույցի ժամանակ Ջոբսը խոստովանել է, որ 1970–1974-ին՝ ուսանող եղած ժամանակ, թմրամիջոցներ է օգտագործել, հաղորդում է Lenta.ru–ն։

Հիշեցնենք, որ Սթիվ Ջոբսը մահացավ 2011–ի հոկտեմբերի 5–ին քաղցկեղից։