Քիմիական զենքի ոչնչացման հարցով մասնագետները ժամանել են Սիրիա

Քիմիական զենքի ոչնչացման փորձագետների միջազգային խումբը հոկտեմբերի 1-ին ժամանել է Սիրիա: 20 հոգուց բաղկացած խումբը   զանգվածային զենքի ոչնչացման պաշարների հաշվարկում կիրականացնի, որոնք կոչնչացվեն` համաձայն ՄԱԿ-ի ԱԽճի ընդունած բանաձևի: 

Փորձագետները Լիբանանից ուղևորվել են Դամասկոս, ուր կհանդիպեն Սիրիայի ԱԳՆ-ի ներկայացուցչության հետ. տեղեկացնում է Associated Press-ը: Շաբաթվա ընթացքում Սիրիա կժամանի մասնագետների 2-րդ խումբը: 

Սիրիայի արտգործնախարար Վալիդ Մուալեմը պատմել է փորձագետների աշխատանքի սպասվելիք դժվարությունների մասին: Նրա խոսքերով` քիմիական զենք պարունակող 19 ամբարներից 7-ը գտնվում են մարտական գործողությունների գոտում: Դրանց հասնելու համար անհրաժեշտ կլինի հակամարտող 2 կողմերի համաձայնությունը ժամանակավոր զինադադար կնքելու համար:

Համաձայն գործող պլանի` Սիրիայի իշխանությունները պետք է ոչնչացնեն իրենց քիմիական զենքի պաշարները մինչև 2014 թ. կեսը: Առաջին փուլում, որը կտևի մինչև նոյեմբեր ամիսը, պլանավորվում է ոչնչացնել այն սարքավորումները, որոնց միջոցով դրանք արտադրվում են: Հետագայում առկա պաշարների մի  մասը դուրս կբերվի երկրի տարածքից և կոչնչացվի նրա սահմաններից հեռու, իսկ մնացած քիմիական զենքը կոչնչացվի հենց Սիրիայում միջազգային փորձագետների ներկայությամբ: