Ամերիկայի հայկական համագումարը Հայոց ցեղասպանության վերաբերյալ 10 հարց է հղել Հիլարի Քլինթոնին

Ամերիկայի Հայ դատի հանձնախմբի (ANCA) նախագահ Քեն Խաչիկյանը Հայոց ցեղասպանության հարցով ԱՄՆ-ի քաղաքականության վերաբերյալ 10 հարցից բաղկացած նամակ է հղել ԱՄՆ պետքարտուղար Հիլարի Քլինթոնին։ 

Հանձնախմբի նախագահը ԱՄՆ–ի հայ համայնքի վրդովմունքն է հայտնել պետքարտուղարի վերջին հայտարարությունների վերաբերյալ։

Նամակում ANCA-ի ղեկավարը 10 ուղիղ հարցադրում է արել պետքարտուղարին, հաղորդում է «Ասպարեզ»–ը

«Այդ հարցերին ազնիվ և թափանցիկ պատասխանները, ԱՄՆ թափանցիկ քաղաքականությունը լավ հիմք կարող է ծառայել կառավարության և քաղաքացիական հասարակության երկխոսության համար, որը վերջ կդնի Թուրքիայի ժխտողական քաղաքականությունը։ Աշխարհի կողմից այս ոճրագործության պաշտոնական ճանաչմանը խոչընդոտում է Անկարայի կողմից թուրք հասարակության մեջ ժխտողականության սերմանումը, որն էլ իր հերթին նշանակալիորեն դանդաղեցնում է ցեղասպանությունների ճանաչման համաշխարհային գործընթացը»,- նշել է Քեն Խաչիկյանը։։

Հիշեցնենք, որ հունվարի 26–ին Հիլարի Քլինթոնը Պետդեպարտամենտի ծառայողների հետ հանդիպման ժամանակ, անդրադառնալով Ֆրանսիայի կողմից Հայոց ցեղասպանության հերքումը քրեականացնող օրենքի ընդունմանը, հայտարարել էր, «Ես միշտ էլ այդ հարցին նայել եմ պատմական տեսանկյունից, և ես կարծում եմ, որ ճիշտ կլինի պատմաբաններն այդ հարցը քննարկեն», ինչն էլ լուրջ զայրույթ էր առաջացրել ամերիկահայության շրջանում։  

Նշենք, որ կոնգրեսականներ Ադամ Շիֆը ու Ռոբերտ Դոլդը Կոնգրեսի անդամներին կոչ էին արել միանալ նամակին, որով Քլինթոնին կոչ է արվում հրաժարվել իր վերջին հայտարարություններից։