Պուտինին են հանձնել հնագույն ջրով լի տարա՝ Անտարկտիդայի «Արևելք» լճից

Ռուսաստանի Բնական պաշարների նախարար Յուրի Տռուտնևը ՌԴ վարչապետ Վլադիմիր Պուտինին է հանձնել նախապատմական ջրով լի տարա՝ Անտարկտիդայի ստորջրյա «Արևելք» լճից։

Մետաղական կափարիչով և դեղնավուն լուծույթով տարան Տռուտնևը բերել է փոքրիկ մետաղյա ուղեբեռով։ Տարայի կափարիչի վրա գրված է եղել՝ «Լիճ՝ «Արևելք», տարիքը՝ միլիոն տարուց ավելի, խորությունը՝ 3769.3 մետր, ամսաթիվը՝ 05.12.11, Անտարկտիդա»։

Նախարարի խոսքերով՝ դա առաջին փորձանյութն է, և հետազոտություններ դեռ չեն կատարվել։ Տռուտնևը նշել է, որ այդ ջրի «տարիքը» ավելի քան 1 մլն տարի է։ Սակայն, մի շարք փորձագետների կարծիքով, այն կարող է լինել 1-ից 30 մլն տարեկան։