ՄԱԿ-ի Գլխավոր քարտուղարը կոչ է արել չհակամարտել վիճելի կղզիների համար

ՄԱԿ-ի Գլխավոր քարտուղար Պան Գի Մունը Մեծ Բրիտանիային և Արգենտինային կոչ է արել զերծ մնալ Ֆոլկլենդյան/Մալվինյան կղզիների շուրջ հակամարտության սրումից։ Այս մասին նա հայտարարել է Արգենտինայի արտաքին գործերի նախարար Հեկտոր Թիմերմանի հետ հանդիպման ժամանակ։

ՄԱԿ-ի Գլխավոր քարտուղարն իր մտահոգությունն է հայտնել Արգենտինայի և Բրիտանիայի կառավարությունների միջև վիճելի կղզիների պատճառով հարաբերությունների վատթարացման համար։ Նա հույս է հայտնել, որ երկու կառավարությունները կկարողանան լուծել այդ հարցը երկխոսության միջոցով։ 

Անցյալ ամիս Մեծ Բրիտանիան հայտարարել էր, որ Ֆոլկլենդյան/Մալվինյան կղզիներ է ուղարկում նոր սերդի կործանիչ, իսկ անցյալ շաբաթ արքայազն Վիլյամն իր զինվորական ծառայությունն էր սկսել այդ կղզիներում՝ որպես թագավորական ռազմաօդային ուժերի օդաչու։ Արգենտինայի նախագահը հայտարարել է, որ իր երկրի դեմ ուղղված լուրջ սպառնալիք է տեսնում։ 

Ֆոլկլենդյան կղզիներ անվանումն օգտագործվում է Մեծ Բրիտանիայի կողմից, իսկ Արգենտինան անվանում է այդ կղզիները Մալվինյան. դրանք երկու երկրների միջև 1982–ից վիճելի տարածքներ են համարվում, հաղորդում է BBC Russian–ը։