Սաուդյան Արաբիան ՄԱԿ-ում Սիրիայի վերաբերյալ նոր նախագիծ է ներկայացնում
Մերձավոր Արևելք
ՄԱԿ-ում Սաուդյան Արաբիայի ներկայացուցիչները կազմակերպության Գլխավոր Ասամբլեայում նոր բանաձևի նախագիծ են տարածում, որը նման է անցյալ շաբաթ ՄԱԿ-ի Անվտանգության խորհրդում Ռուսաստանի և Չինաստանի կողմից վետոյի արժանացածբանաձեւի հետ, հաղորդում է «Ռիա նովոստի»-ն։
Բանաձևի նոր նախագծում լիակատար աջակցություն է հայտնվում Սիրիայի իրավիճակի վերաբերյալ Արաբական երկրների լիգայի առաջարկներին։ Հիշեցնենք, Լիգայի առաջարկները նախատեսում են նախագահ Բաշար Ասադի հրաժարականը: ՄԱԿ-ի Գլխավոր Ասամբլեայի անդամները նախատեսում են երկուշաբթի օրը Սիրիայի իրավիճակի քննարկում անցկացնել:
Սպավում է, որ նիստին ելույթի կունենա ՄԱԿ-ի՝ Մարդու իրավունքների հարցերով գերագույն հանձնակատար Նավի Պիլայը, ով կոչ կանի Միջազգային դատարանի դիտարկմանը փոխանցել այն հարցը, թե արդյոք Ասադի վարչակարգը Սիրիայում մարդկության դեմ հանցագործություն է կատարել:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
