Գիտնականները Յասեր Արաֆատի մնացորդներում ռադիոակտիվ պոլոնիում-210 են գտել. ԶԼՄ-ներ

Բրիտանական Lancet ամսագիրը հրապարակել է շվեցարացի բժիշկների կատարած հետազոտությունները, որոնք վկայում են, որ Պաղեստինի նախկին նախագահ Յասեր Արաֆատը կարող էր թունավորված լինել պոլոնիում-210 ռադիոակտիվ նյութով. գրում է Ալ Ջազիրան: 

Համաձայն հրապարակված տվյալների`անցյալ տարի կատարված հետազոտության արդյունքում Արաֆատի արյան, մեզի և թքագեղձերի մեջ հայտնաբերվել է ռադիոակտիվ նյութերի բարձր մակարդակ: 

Պաղեստինյան ազգային վարչակարգի նախկին ղեկավար Յասեր Արաֆատը, ով խաղաղության Նոբելյան մրցանակ էր ստացել Իսրայելի հետ բանակցություններ վարելու համար, մահացել էր 2004թ. նոյեմբերի 11-ին Փարիզի հիվանդանոցներից մեկում: Նրան մահվան պատճառների պաշտոնական հետազոտությունը սկսվեց այն բանից հետո, երբ Քաթարի «Ալ Ջազիրա» հեուստաընկերությունը հայտարարել էր Արաֆատի կենսաբանական հեղուկներում ռադիոակտիվ պոլոնիում-210-ի առկայության մասին: Նրա գերեզմանն անցյալ տարի արտաշիրիմվել էր ուսունմասիրելու նպատակով: Այժմ դրա վրա աշխատում են Լոզանի ռադիոֆիզիկայի ինստիտուտի գիտնականները: Պաղեստինցիները բազմիցս Արաֆատի մահվան մեջ մեղադրել են Իսրայելին, իսկ վերջինս հերքում է այդ մեղադրանքները: