«Մնում է, որ Պուտինը «բոլորը դեպի Ռուսաստան» ծրագիրն իրականացնի»

Անահիտ Սիմոնյանը Facebook սոցցանցի իր էջում գրել է.

«Իհարկե մարդասպաններ, գողեր եւ ավազակներ բոլոր ազգերի մեջ էլ լինում են, նաեւ ռուսների, չինացիների, հայերի, ադրբեջանցիների եւ այլն: Այժմ ռուսները դժգոհում են իրենց երկիր միգրանտների չափազանց մեծ հոսքից, որովհետեւ իրենք էլ չեն վերահսկում, թե ովքեր են գալիս իրենց մոտ օրինական աշխատում, ովքեր՝ ոչ, ովքեր են քիչ, թե շատ պիտանի մարդիկ, ովքեր ոչ, ի տարբերություն Եվրոպայի, որտեղ հատով ու հաշվով են գաղթականներին ընդունում: Չհաշված, գաղթականներին, նայում են, որպես էժան աշխատուժի, մեծամասամբ սեւագործ գործեր հանձնարարում կատարելու, տեղաբնակներն էլ բողոքում են, թե եկան, մեր աշխատատեղերը զբաղեցրեցին: Ուրեմն կամ կարգին միգրացիոն քաղաքականություն մշակեք, կամ մի դժգոհեք, որ «լցվում են» ձեր երկիր: Ռուսաստանը վերածվել է իսկական կոնգլոմերատի, ովքեր ասես, գալիս «լցվում են»: Վերջերս բոլոր ճանապարհները Հռոմի փոխարեն տանում են դեպի Ռուսաստան: Այս երկիրը կարծես մեղրի պես իր կողմն է ձգում շատերին: Մնում է, որ Վլադիմիր Պուտինը «Բոլորը դեպի Ռուսաստան» ծրագիրն իրականացնի: Մեկ-մեկ մտածում եմ՝ եթե ՌԴ-ն իր տարածքում չընդուներ հայ միգրանտներին, Հայաստանում սովից մեռնելու՞ էին, իսկ գուցե այդ դեպքում, երբ ՌԴ-ն չնդուներ հայ միգրանտներին, հայերը կմնային եւ պայքարելով իրենց հայրենի՞քը կշենացնեին»: