Ամերիկյան հոգեբուժական ասոցիացիան ամաչկոտությունը հոգեկան շեղում կարող է ճանաչել

Ամերիկյան հոգեբուժական ասոցիացիան (APA) հնարավոր է՝ ամաչկոտությունը, էքսցենտրիկ վարքագիծն ու ծանր կորստից հետո ապրումները ճանաչի իբրև հոգեկան շեղումներ, գրում է The Daily Telegraph-ը։

Հազարավոր ամերիկացի ու բրիտանացի գիտնականներ դեմ են արտահայտվել այդօրինակ նախաձեռնությանը՝ մտավախություն հայտնելով, որ դրա հետևանքով միլիոնավոր մարդիկ անհիմն կհամարվեն հոգեկան հիվանդներ։ Ընդդեմ այս նախաձեռնության արդեն իսկ հավաքվել է մասնագետների ավելի քան 11 հազար ստորագրություն։