Արաբական երկրների լիգան կարող է ճանաչել Սիրիայի ընդդիմադիր ազգային խորհուրդը

Արաբական երկրների լիգայի հրվաիրած արտակարգ նիստի ժամանակ հնարավոր է քննարկվի Սիրիայի ներկայիս իշխանությունների հետ հարաբերությունների վերջնական դադարեցման և Սիրիայի ըդդիմության Ազգային անցումային խորհրդի պաշտոնապես ճանաչման հարցը։ 

Լիգայի անդամ երկրների արտգործնախարարների մակարդակով հրավիրված արտակարգ նիստը, որը տեղի է ունենալու կիրակի օրը Կահիրեում, պայմանավորված է Սիրիայում տիրող իրավիճակով և իշխանությունների կողմից բռնություններին վերջ չտալու իրողությամբ։

Ըստ եգիպտական լրատվամիջոցների, նույնիսկ եթե Սիրիայի իշխանությունները չընդունեն Լիգայի այդ որոշումը, ապա Սիրիայի իշխանություններին այդ որոշումը կստիպի հասկանալ, որ դա, ըստ էության, մի օր կարող է ընդունվել, հաղորդում է «Ռիա նովոստին»։

Հիշեցնենք, որ արդեն Սիրիայում հակակառավարական ցույցերի մեկ տարին լրանում է, սակայն դեռ շարունակվում են բողոքի ցույցերը և նախագահ Բաշար Ասադի ռեժիմի կողմնակիցների կողմից բռնությունները։ Ընդդիմությունը և միջազգային հանրությունը պահանջում են Ասադի հրաժարականը։ Ըստ ՄԱԿ–ի տվյալների՝ Սիրիայում հակակառավարական ցույցերի ժամանակ զոհվել է ավելի քան 5 հազար մարդ։