Կղերական գենդերը

Ստյոպա Սաֆարյանը ֆեյսբուքյան իր էջում գրել է.

«Հարկադրված եմ նորից սկսել գենդերի սահմանումից /ինչքան էլ տանել չեմ կարողանում այս թեման/. «գենդերը ձեռբերովի սոցիալական վարքագիծ է, եւ նշանակում է նման վարքագիծ ունեցեղ մարդկանց ու տարբեր սեռերի միջեւ իրավահավասարություն տարբեր ոլորտներում: Հիմա դիտարկենք մեր կղերականների ու անլվա խաչիկ ստամբոլցյանների պայքարն ու պահվածքը: Ոչ մեկ կղերական-հոգեւորական կամ անլվա չի ծնվում. այդպիսին դառնում են եւ դա նույնպես ձեռքբերովի վարքագիծ է: Նույն կերպ, որ փաստարկվում է, թե նույնասեռ ամուսնությունները դեմ են բնության օրենքներին, քանի որ տղամարդն ու կինը ի ծնե եւ ի բնե իրենց գործառույթն ու առաքելությունն ունեն /ինչի հետ համամիտ եմ/, այդ նույն տրամաբանությամբ պետք է պայքարել նաեւ կուսակրոնության դեմ, քանի որ դա եւս ընտրություն' ձեռքբերովի վարքագիծ է եւ դեմ է բնության օրենքներին եւ նոևրմալ տղամարդը պետք է ընտանիք կազմի: Դրան էլ հավելենք այն, որ եթե փոքրամասնությունները չպետք է հավասար իրավունքներ ունենան /դեմ են գենդերային հավասարությանը/, ուրեմն կրոնականներն ու ստամբոլցյաններն էլ որպես փոքրամասնություն չպետք է մեր' մեծամասնության հավասար իրավունքներն ունենան: Պարադոքսալ է, բայց այսօրվա բողոքավոր այս փոքրամասնական խմբերը պայքարում են հենց իրենց իրավունքների դեմ' լինելով գենդեռ բառիս բուն իմաստով:

Իսկ իրականում, մեր եկեղեցականների այսօրվա խայտառակ պահվածքը, որի թիկունքում աշխարհաքաղաքական պատվեր է, պատվեր ընդդեմ եվրոպականության ու եվրոպական արժեքները վարկաբեկելու համար: Իսկ թե ով է պատվիրատուն, կռահում եք' Մոսկովը: Իսկ թե ինչո՞ւ է Հայ Առաքելական եկեղեցին, ցավոք, հակաեվրոպական պատվերների մեջ մտնում, բացատրությունը պարզ է: Ժամանակակից եվրոպական պետությունում եկեղեցին տարանջատված է պետությունից, քիթը չի խոթում պետական գործերի մեջ, քաղաքականություն չի թելադրում, բիզնեսները չի ընդլայնում կամ պահում: Հայաստանում Հայ առաքելական եկեղեցու բիզնեսմեն-կղերականները ներկայիս խաղի ակնոնների օրոք իրենց մոր փորն են ընկել. կալվածքներ են ձեռք գցել, ֆեդոալներ են դարձել, հարկային արտոնություններ են ստացել, նախագահականի հետ քիփացել են, քաղքական խաղեր են տալիս, օֆշորներում հանցագործություններ են անում, մարդկանց են ունեզրկում, այգիներ են ձեռք գցել, թանկարժեք մեքենաներ' բենթլիներ են վարում եւ այսպես շարունակ: Հիմա դուք կռահեք` կցանկանա՞ն նրանք զրկվել այս ամենից, երբ նման խաղի կանոնների դեպքում իրենց կյանքը ավելի չաղ ու բախտավոր է դարձել... Իսկեվրոպականացումը նշանակում է ամեն ինչ եւ ամեն մեկին կարգի բերել երկրում, որը կսպառնա կղերականների նվաճած դիրքերին: Այդ իսկ պատճառով էլ օտար երկրների գործակալական ցանցերի կղերական անդամների շահերը խիստ միահյուսվել են Ռուսիո շահերի հետ ու պոռնկախաղ ու լրբալաց են տալիս հայի ավանդական արժեքների պահպանության անվան տակ: Սրա դեմը պետք է առնել ու դրանց չթողնել, որ դուրս գհան իրենց աղոթքների ու եկեղեցու խցերի շրջանակից...

Խոնարվում եմ իրական ու ազնիվ հոգեւորակնների առջեւ եւ խնդրում, որպեսզի սույն որակումները չընդունեն իբրեւ բոլորին ուղղված գնահատական: Նաեւ հորդորչում եմ զերծ մնալ այս անպատիվ, եկեղեցուն քայքայող խաղերից»: