«Ժողովուրդ». Վազգեն Մանուկյանի մետամորֆոզը
Հայկական Մամուլ
«Ես, ընդհանրապես ասած, այն ժամանակ դեմ էի բանակն օգտագործելուն, բայց իրավիճակներ են լինում, երբ դա անխուսափելի է»,- լրատվամիջոցներից մեկի հետ զրույցում «Արտակարգ դրության իրավական ռեժիմի մասին» օրինագծի վերաբերյալ կարծիք է հայտնել ԱԺՄ նախագահ, ՀՀ ՊՆ նախկին նախարար Վազգեն Մանուկյանը: Նրա այս տեսակետը «Ժողովուրդ» թերթը որակել է «յուրատեսակ փոխակեպում»:
«Այսինքն՝ քանի դեռ Մանուկյանը ընդդիմադիր էր, դատապարտում էր արտակարգ դրության դեպքում բանակն օգտագործելը։ Իսկ հիմա, երբ նա հայտնվել է իշխանական ճամբարում, անգամ դա որակում է անխուսափելի»: Թերթը խոսել է ՊՆ նախկին նախարարի հետ՝ պարզելու համար, թե որ դեպքերում ԶՈւ-ն կարող է խառնվել երկրի ներքին կյանքին, ինչին ի պատասխան վերջինս նշել է, որ «բանակի օգտագործման դեպքերը պետք է հստակ կանոնակարգված լինեն, օրինակ, երբ երկրի ներսում խռովություն է, և դրա թիկունքում դրսից ուժեր կան կանգնած»: «Այսինքն՝ միշտ, քանի որ իշխանությունները հասարակական ընդվզումների թիկունքում մշտապես դրսի ուժեր են տեսնում», - պատասխանից եզրակացնում է թերթը:
«Ժողովուրդը» վստահ է, որ «վաղը, երբ Մանուկյանը կրկին հայտնվի ընդդիմադիր ճամբարում, դարձյալ կքննադատի արդեն կյանքի կոչված այս օրենքը, քանի որ Հայաստանի ներքին զորքերը բավարար են Հայաստանում կայունությունը պահպանելու համար»:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
