Վենսան Կասելը՝ հրեշի դերում

«Գայլերի եղբայրություն» և «Սայլենթ Հիլլ» ֆիլմերի հեղինակ Կրիստոֆ Հանսը մտադիր է էկրանավորել աշխարհահռչակ «Գեղեցկուհին և հրեշը» հեքիաթի նոր տարբերակը։ Ինչպես հաղորդում է «The Hollywood Reporter»–ը, ֆիլմի գլխավոր դերերը խաղալու են Վենսան Կասելը և Լեա Սեյդուն։

«Ես խոստանում եմ հնարավորինս «անաղարտ» պահել բոլորիս հայտնի պատմության բովանդակությունը։ Նորությունը կլինի կինոնկարի բացարձակ նոր ձևավորումը, որը դեռ ոչ ոք չի արել»,– իր նոր նախագծի մասին ասել է ռեժիսորը։

Նշենք նաև, որ ֆիլմի նկարահանումը նախատեսված է սկսել 2012-ի հոկտեմբերին։