Մարդկային մեծագույն առաքինությունը սեփական չկամությունը կոտրելու կարողությունն է. Հրանտ Մաթևոսյան

Հրանտ Իգնատի Մաթևոսյանը ծնվել է 1935 -ի փետրվարի 12-ին, Ալավերդի-Թումանյանի շրջանի Ահնիձոր գյուղում: 1952 թվականից տեղափոխվել է Երևան: 1958-1962 թվականներին սովորել է Երևանի մանկավարժական ինստիտուտի պատմա-լեզվաբանական ֆակուլտետում, 1965-1967-ին մասնակցել է Մոսկվայի բարձրագույն սցենարական դասընթացներին:

Գրական ասպարեզ է մտել 1961 թվականին՝ լայն արձագանք գտած «Ահնիձոր» ակնարկով: Գրել է «Մենք ենք, մեր սարերը», «Բեռնաձիեր», «Խումհար», «Տաշքենդ», «Աշնան արև վիպակները», «Տերը» կինովիպակը, պատմվածքներ, պիեսներ, որոնք 1967-ից ի վեր, տարբեր հավաքածուներ դառնալով, բազմիցս հրատարակվել են հայերեն, ռուսերեն և ապա՝ միութենական հանրապետություների և սոցերկրների գրեթե բոլոր լեզուներով: Մաթևոսյանի-ի սցենարներով նկարահանվել են «Մենք ենք, մեր սարերը», «Աշնան արև», «Տերը», «Այս կանաչ - կարմիր աշխարհը» կինոնկարները, նրա գործերի նյութերով՝ «Օգոստոս» կինոնկարը, հեռուստատեսային բեմականացումներ են դարձել Մաթևոսյանի «Մեծամոր» էսսեն և «Չեզոք գոտի» պիեսը, Երևանի դրամատիկական թատրոնում բեմականացվել են «Աշնան արևը» և «Կայարանը»: ՍՍՀՄ գրողների միության անդամ է դարձել1964 թվականից: 1995-2000 թթ. նախագահել է Հայաստանի գրողների միությունը:

Մահացել է 2002-ի դեկտեմբերի 18-ին, Երևանում:

Այսօր՝ Հրանտ Մաթևոսյանի ծննդյան օրը է. այսօր նա կդառնար 77 տարեկան։