«Պայքարը թեժանալու է ընդդիմության ներսում»

Քաղաքագետ Սուրեն Սուրենյանցը ֆեյսբուքյան իր էջում գրել է.

«Ամառվա վերջի մի հարցազրույցում՝ կանխատեսել էի, որ առաջիկա ամիսներին ականատեսն ենք լինելու քաղաքական համակարգի աշնանը:
Զարգացումները ցույց տվեցին, որ չեմ սխալվել:
Իշխանության առումով՝ դրա արտահայտությունը դարձավ Մաքսային միությանը միանալու որոշումը, որը Սերժ Սարգսյանի թիմին զրկեց կրեատիվ ռեսուրսից:

Ավելի դաժան է ընդդիմության վիճակը, որն ապրում է ինստիտուցիոնալ տոտալ ճգնաժամ:
Առաջիկա ամիսներին՝ ականատեսն ենք դառնալու լուրջ ՙպատերազմների՚ հենց ընդդիմության դաշտում՝ գլխավորը լինելու կամ նոր ընդդիմություն ձեւավորելու խնդիրների շուրջ:

Օրինակ, Զարուհի Փոստանջյանն անկանխատեսելի եւ կոնֆլիկտային գործիչ է, եւ եթե նա ղեկավարում է ՙԺառանգություն՚ խմբակցությունը, դա բերելու է կոնֆլիկտի մյուս ընդդիմադիրների հետ:

Պատահական չէ, որ նոր կագավիճակում Զառայի ամենաթեւավոր խոսքը դարձել է ՙԼյով, էլի թռար՚ արտահայտությունը, որը վերաբերում է ՀԱԿ խմբակցության ղեկավար Լեւոն Զուրաբյանին:

Նիկոլ Փաշինյանն եւս, ըստ ամենայնի, որակապես նոր ընդդիմություն ձեւավորելու հայտ է ներկայացրել եւ դրանով են պայմնավորված նրա քննադատական ելույթները՝ հասցեագրված մյուս ընդդիմադիրներին:

Մի խոսքով, գործող ընդդիմությունը մեռնում է, նոր ընդդիմության տեղի համար սկսվել է անխնա պայքար»: