Ոչ ոք իրավունք չունի արգելել թուրքական խորհրդարանում հիջաբ կրելը. իշխող կուսակցություն
Թուրքիա
Թուրքիայում իշխող «Արդարություն և զարգացում» կուսակցության փոխնախագահ Հուսեյն Չելիքը հայտարարել է, որ ոչ մի քաղաքական ուժ Թուրքիայում իրավունք չունի արգելել կանանց հիջաբ կրել թուրքական խորհրդարանում. տեղեկացում է TRT Haber-ը:
Փոխնախագահի խոսքերով` Թուրքիան ժողովրդավար պետություն է, և այնտեղ յուրաքանչյուր քաղաքացի ինքնահաստատման իրավունք ունի:
Նշենք, որ ավելի վաղ թուրքական ընդդիմադիր «Հանրապետական ժողովրդական կուսակցությունը» կոչ էր արել բողոքի ակցիա կազմակերպել խորհրդարանում հիջաբ կրելու արգելքը չեղյալ հայտարարելու որոշման դեմ:
Հիշեցնենք, որ սեպտեմբերի 30-ին Թուրքիայի վարչապետ Ռեջեփ Թայիփ Էրդողանը հայտարարել էր երկրում բարեփոխումների փաթեթ անցկացնելու մասին, որի շրջանակներում Թուրքիայում բոլոր քաղաքական կուսակցություններն անցնելու են ղեկավարման երկնախագահական համակարգի: Բացի այդ` վարչապետ Էրդողանի խոսքերով` նախընտրական քարոզարշավն այսուհետ հնարավոր կլինի անցկացնել ոչ միայն թուրքերենով, այլև` երկրում գործածվող մնացյալ այլ լեզուներով: Այս բարեփոխումների փաթեթին է պատկանում նաև հիջաբ կրելն արգելող օրենքը չեղյալ հայտարարելու մասին որոշումը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
