Գրեմմի մրցանակաբաշխությունը նվիրվել է Ուիթնի Հյուսթոնի հիշատակին

Գրեմմի համաշխարհային երաժշտական մրցանակաբաշխությունը նվիրվել է շաբաթ օրը երկրային կյանքին հրաժեշտ տված երգչուհի և դերասան Ուիթնի Հյուսթոնին։ Մրցանակաբաշխության բացումը սկսվել է երգչուհու երգերից մեկով և ողջ բեմը պատված է եղել նրան պատկերող նկարով։

Գրեմմիի կազմակերպիչները երկար ժամանակ չեն կարողացել զսպել իրենց հուզմունքը։ Ջենիֆեր Հաթսոնն իր ելույթի վերջում արտասվել է՝  չկարողանալով թաքցնել հուզմունքը։

«Մեր ընտանիքում մեծ կորուստ է եղել. Եկեք աղոթենք նրա համար», – ասել է Գրեմմիի հաղորդավար LL Cool Jay–ը։ Մրցանակաբաշխության 3.5 հազար հյուրեր մեկ րոպե լռությամբ հոտընկայս հարգել են երգչուհու հիշատակը։

«Կեցցե Ուիթնի Հյուսթոնը, կեցցե Էմմի Ուայնհաուսը, կեցցե Էտտա Ջեյմսը։ Ի՞նչ կարող ենք ասել։ Այնտեղ երկնքում գեղեցիկ կանանց խումբ է հավաքվել», – այս խոսքերն ասել է Էմմի Ուայնհաուսի հայրը, որը եկել էր իր աղջկա հետմահու հանձնված մրցանակը ստանալու, հաղորդում են ամերիկյան լրատվամիջոցները։