Ժիզել Բյունդհենը «գրավել է» Հարավային Կորեան

Նույնիսկ մայրանալուց հետո բրազիլուհի Ժիզել Բյունդհենը շարունակում է մնալ աշխարհի «ամենաթանկ» սուպերմոդելներից մեկը։ Երջանիկ մայրը հմտորեն կարողանում է իր ժամանակը բաժանել աշխատելու և երեխային խնամելու միջև։

Ի դեպ, հղիությունը գրեթե չի ազդել մոդելի գեղեցիկ կազմվածքի վրա. նա շարունակում է մնալ իր ոլորտի առաջատարներից մեկը։ Նրա մասնագիտական հմտությունները գրավում են մեծ թվով գործատուների ուշադրությունը։

Դա է պատճառը, որ վերջին ամսվա ընթացքում գեղեցկուհին հասցրել է մասնակցել նորաձևության հերթական ցուցադրության նկարահանումներին և նույնիսկ «զարդարել է» «Harper's bazaar» ամսագրի կորեական տարբերակի տիտղոսաթերթը, որի շնորհիվ նա «գրավել է» կորեացի հազարավոր ընթերցողների սրտեր։