«Հայկական Ժամանակ». Հրազդանի ընտրությունները ցույց տվեցին, որ Կոնգրեսի համար քվեարկողները գաղափարական են
Հայկական Մամուլ
Քաղաքական և ընտրական տեխնոլոգիաների փորձագետ Արմեն Բադալյանը երեկ «Հայկական ժամանակ»-ի հետ զրույցում պնդել է , որ Հրազդանի քաղաքապետի ընտրություններում Հայ ազգային կոնգրեսը և Սասուն Միքայելյանը հաջողության են հասել:
«Հրազդանի ընտրությունները ցույց տվեցին, որ Կոնգրեսի համար քվեարկողները գաղափարական են, նրանք փողի համար քվեարկողներ չեն: Այսինքն, դա կայուն ընտրազանգված է, և դա հաղթանակ է , որ Կոնգրեսն այդքան կայուն ընտրազանգված ունի», -ասել է քաղտեխնոլոգը:
Ինչ վերաբերում է ՀՀԿ-ական թեկնածուի հավաքած ձայներին, Բադալյանի դիտարկմամբ, այդ ձայները ԱԺ ընտրությունների ժամանակ կիսվելու են ՀՀԿ-ի և ԲՀԿ-ի միջև, իսկ թե ինչ հարաբերակցությամբ, Բադալյանը դժվարացել է ասել, բայց և վստահ է, որ Սասուն Միքայելյանի հավաքած ձայները չեն կիսվելու, դրանք կայուն ձայներ են:
«Կոնգրեսը գրագետ աշխատանքի դեպքում կայուն տեղ կունենա հաջորդ խորհրդարանում, թե ինչքան՝ չեմ կարող ասել, բայց ոչ 10, 15, այլ դրա կրկնակին, եթե ոչ եռակին կունենա, եթե լավ աշխատի: Սա իր պոտենցիալն է, որ այսօրվա դրությամբ կարող է ստանալ»,-ասել է Բադալյանը: Նա նաև Կոնգրեսի և ԲՀԿ-ի համագործակցության ռադիկալ առաջարկ է արել:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
