ՆԱՏՕ-ն համաձայնվել է երկարաձգել Թուրքիայում Patriot հրթռիների տեղակայումը

ՆԱՏՕ-ի անդամ երկրները պատրաստ են երկարաձգել Թուրքիայում զենիթա-հրթիռային Patriot համակարգերի տեղակայման ժամկետները. գրում է Reuters-ը` հղում կատարելով դաշինքի ներկայացուցչին:

Անկարան 2012թ. նոյեմբերին դիմել էր ՆԱՏՕ-ին` խնդրելով իրեն տրամադրել Patriot զենիթա-հրթռիային համակարգեր` Սիրիայի կողմից օդային հարձակումներին դիմակայելու համար: ՆԱՏՕ-ի խորհուրդը դեկտեմբերի 4-ին որոշում էր կայացրել մեկ տարի ժամկետով բավարարել Թուրքիայի խնդրանքը:

Ավելի վաղ հայտնի էր դարձել, որ Անկարան խնդրել էր երկարաձգել իր տարածքում հրթիռների տեղակայման ժամկետները:

ՆԱՏՕ-ի մշտական անդամ երկրները չորեքշաբթի օրը եկան եզրակացության, որ սիրիա-թուրքական սահմանին անկայուն իրավիճակը պահանջում է Թուրքիայում հրթիռային համակարգի տեղակայման ժամկետների երկարաձգում: