«Ժողովուրդ». Կոալիցիոն նիստը դրական մթնոլորտում է անցել

Նախորդ օրը'առավոտյան, տեղի ունեցած կոալիցիոն նիստը, ըստ «Ժողովուրդ»-ի աղբյուրների, բավականին դրական մթնոլորտում է անցել: Ներկաներին դուր է եկել Սերժ Սարգսյանի դրսևորած կառուցողական մոտեցումը, երբ նա ասել է, թե «ով էր ցանկանում աշխատել հաջորդ կառավարության կազմում, կքննարկենք: Մենք նույն թիմն ենք, և կյանքը ցույց է տվել, որ բոլոր սրված իրավիճակներից դուրս գալու ելքեր միշտ էլ գտնվում են»: Գագիկ Ծառուկյանն էլ բավականին գոհ է եղել, քանի որ սիրելի սանիկը' Աշոտ Ավետիսյանը'նույն Բանգլադեշցի Համիկը, ազատության մեջ է: Սա նշանակում է, որ իշխող կոալիցիայի կազմը չի փոխվելու, եթե, իհարկե, միմյանց սիրաշահելու այս մթնոլորտը պահպանվի: