«168Ժամ». Երիտկարիերիստ ՀՀԿ-ականները ոգևորված են
Հայկական Մամուլ
Առաջիկա ընտրություններին մականունավորներին «ուսյալ երիտասարդներով» փոխարինելու իշխանությունների խոստումը, երևում է, շատ է ոգևորել երիտկարիերիստներին, որոնց հրապարակային ելույթները երբեմն վերածվում են սանձարձակության: Օրիանակ, երեկ ամենաերիտհանրապետական Կարեն Ավագյանը «Ժառանգության» անդամ Ստեփան Սաֆարյանի հետ բանավեճի ժամանակ հայտարարել է. «Րաֆֆի Հովաննիսյանը քաղաքական ծաղրածուի դեր է ստանձնել», քանի որ «սափրել է բեղերը և հացադուլ է արել»:
Սաֆարյանը Ավագյանին առաջարկել է կոռեկտ լինել՝ նշելով, որ այլապես ինքն առավել լուրջ բառամթերք և հիմքեր ունի Սերժ Սարգսյանին վիրավորելու համար: «Կլոունադայով զբաղվում է ՀՀԿ-ն,-ասել է Սաֆարյանը՝ պարզաբանելով,-Հերմինե Նաղդալյանին հարցնում ես՝ ինչո՞ւ ես ուրիշի փոխարեն քվեարկում, ասում է «էէէ»: Հարցնում ես Արա Բաբլոյանին, ասում է՝ «Ինձ բժշկությունից հարցեր տվեք»: Իր կուսակիցներին պաշտպանելու համար Ավագյանը հակադարձել է՝ ասելով, թե «Ժառանգությունը» քաղաքական առնականության խնդիր ունի», ինչին ի պատասխան՝ Ստեփան Սաֆարյանը հարցրել է. «Դուք մաչո՞ եք ձեր ջարդել-փշրելով»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
